भ्रमणले दुई देशको रक्षा र सुरक्षा क्षेत्रमा नवीन सहयोग र द्विपक्षीय प्रगतिको लागि मार्ग प्रशस्त गर्ने अपेक्षा गरिएको छ।
भारतीय रक्षामन्त्री राजनाथ सिंह मलेसियाको राजकीय भ्रमणमा छन् । उहाँ असार १० र ११ गते दुई दिने भ्रमणका लागि स्वदेश जाँदै हुनुहुन्छ । भारतको रक्षा मन्त्रालयले एक विज्ञप्ति जारी गर्दै दुई देशबीचको रक्षा सम्बन्धलाई मजबुत बनाउन यो भ्रमण आयोजना गरिएको जनाएको छ ।
यसअघि गत वर्ष जुन २७ मा मलेसियाका वरिष्ठ रक्षामन्त्री वाईबी दातो सेरी हिशामुद्दीन तुन हुसैनले भारतीय रक्षामन्त्रीसँग भिडियो कन्फ्रेन्स गरेका थिए । सो क्रममा दुई नेताबीच द्विपक्षीय, क्षेत्रीय र समसामयिक विश्वका अन्य विषयमा छलफल भएको थियो ।
त्यस्तै, २०१५ मा भारतीय प्रधानमन्त्री नरेन्द्र मोदीले मलेसियाको भ्रमण गरेका थिए । त्यसबेला, दुई देशबीचको सम्बन्धलाई अझ गहिरो बनाउन धेरै संयुक्त पहलहरूको घोषणा गरिएको थियो, जुन विगत आठ वर्षमा धेरै हदसम्म कार्यान्वयन भएको छ।
स्मरण रहोस्, भारत र मलेसियाले विगत केही वर्षदेखि आफ्नो रक्षा सम्बन्ध बढाएका छन् । सन् १९९३ मा हस्ताक्षर भएको रक्षा सहयोगसम्बन्धी समझदारी (एमओयू) ले दुई देशबीच रक्षा सहयोगको जग बसाल्यो। साथै विगत १० वर्षमा विभिन्न द्विपक्षीय सम्झौताबाट दुई पक्षबीचको सम्बन्ध नयाँ उचाइमा पुगेको छ
