सेप्टेम्बर ८ मा जी–२० शिखर सम्मेलनको छेउमा भएको द्विपक्षीय बैठकमा मोदीले बाइडेनलाई भारत निम्तो गरेका थिए ।
प्रधानमन्त्री नरेन्द्र मोदीले अमेरिकी राष्ट्रपति जो बाइडेनलाई भारतको गणतन्त्र दिवस समारोहमा प्रमुख अतिथिको रूपमा उपस्थित हुन निम्तो दिएका थिए। तर बाइडेन उक्त कार्यक्रममा सहभागी नहुने बताइएको छ।
भारतीय प्रधानमन्त्री नरेन्द्र मोदीले सेप्टेम्बर ८ मा जी–२० शिखर सम्मेलनको छेउमा भएको द्विपक्षीय बैठकमा बाइडेनलाई निम्तो दिएका थिए। जनवरी २७ मा नयाँ दिल्लीले अष्ट्रेलिया, भारत, जापान र संयुक्त राज्य अमेरिका मिलेर बनेको सुरक्षा गठबन्धन क्वाडको बैठक आयोजना गर्न चाहेको थियो। तर, भारतको योजनाअनुसार सन् २०२४ को जनवरीमा क्वाड कन्फ्रेन्स गर्ने अपेक्षा गरिएको भए पनि समयतालिकामा हुन नसकेको बताइएको छ ।
अमेरिकी राष्ट्रपति जो बाइडेन, जापानी प्रधानमन्त्री फुमियो किशिदा र अष्ट्रेलियाका प्रधानमन्त्री एन्थोनी अल्बानीज भारतको गणतन्त्र दिवसमा नयाँ दिल्ली जाने सम्भावना छैन। नतिजाको रूपमा, यो जनवरीमा आयोजना हुने तालिका भए पनि, क्वाड सम्मेलन २०२४ को अन्त्यमा हुन सक्ने संकेतहरू छन्। तर, भारत सरकारले बाइडेनलाई दिएको निमन्त्रणा वा गणतन्त्र दिवस र क्वाड शिखर सम्मेलनमा अमेरिकी राष्ट्रपतिको सहभागिताबारे आधिकारिक रूपमा कुनै प्रतिक्रिया दिएको छैन।
